Стивен Джеррард "Әл-Иттифак" клубының бас бапкері қызметінен ресми түрде кетті. Қос тараптың келісімі бойынша келісімшарт уақытынан ерте аяқталды, деп хабарлайды aqshamnews.kz
44 жастағы маман 2023 жылы араб командасының бас бапкері болып тағайындалған болатын. Бұл Джеррардтың карьерасындағы үшінші клуб болды. Бұған дейін ол Еуропада "Рейнджерс" және "Астон Вилла" клубтарында жұмыс істеген.
"Әл-Иттифакта" өткізген уақытында Стивен Джеррард 55 матч өткізді, оның нәтижесінде 19 жеңіс, 16 тең ойын және 20 жеңіліс тіркелді. Жергілікті клубтың бас бапкері ретінде оның кезеңі сәтті болмағанымен, тәжірибесі мен жетістіктері футбол әлемінде жоғары бағаланды.