Әйелдер мен қыздарға шашын қысқа етіп қиюға тыйым салынды.
Түркіменстан билігі қыз-келіншектердің сыртқы келбетін бақылауды күшейтті. Мұндай шара елде әйелдердің жасанды тырнақ, кірпік, ботокс жасатуына тыйым салу туралы заң шыққан соң күшейген, деп хабарлады Almaty-akshamy.kz Turkystan.kz сілтеме жасап.
Қазіргі таңда билік көшеде, сұлулық салондарында, жоғары оқу орындарында ғана емес, мемлекеттік мекемелер мен кәсіпорындарда да талаптарды қатайтқан. Күн сайын мектептегі оқушы қыздардың тырнақтарын тексереді. Әйелдер мен қыздарға шашын қысқа етіп қиюға тыйым салынды.
Мәселен, арнайы құрылған тексеру топтары қыз-келіншектердің сыртқы және және моральдық сипатын бақылайды. Тексеру барысында олар әйелдерге ұзын және ұлттық киім киюді талап етеді. Мысалы, комиссия бір әйелге сары түсті шашын қара түспен бояуды талап еткен.
Оған қоса, бұрын істеткен жасанды сұлулықты (жасанды кірпік, қас, тырнақ, ботокс) кетіру туралы ескерту жасаған. Бұл үшін бюджет қызметкерлеріне бір күн уақыт берілген.