АЭС бойынша референдум өткізуге арналған шығындар сомасы 15,5 млрд теңгені құрайды, деп хабарлайды aqshamnews.kz
Референдум Президент жарлығы бойынша 6 қазанда өтеді.
Бұл сома шетелдегі және еліміздегі сайлау учаскесінде республикалық референдумды ұйымдастыру және өткізу шығындарын қамтиды.
15,5 миллиард теңгенің 11 005 000 000 сомасын Орталық референдум комиссиясы дауыс беру учаскелеріндегі қызметкерлердің жалақысына жұмсауды жоспарлап отыр.
Орталық сайлау комиссиясының мәліметінше, референдум комиссияларына Қазақстан бойынша 70 мың қызметкер тартылады. Қарапайым есептеулер бойынша, олардың әрқайсысы шамамен 157,2 мың теңге алады.