«Референдум – ауқымды жаңа реформалардың бастауы». Осындай атаумен Алматыда Ауыл халықтық демократиялық патриоттық партиясы дөңгелек үстел отырысын өткізді, деп хабарлайды Almaty-akshamy.kz Almaty.tv-ге сілтеме жасап.
Аграрлық ғылым өкілдері мен мәслихат депутаттары референдумда енгізілетін толықтыруларды егжей-тегжейлі түсіндіріп, жалпыхалықтық референдумге қатысудың қаншалықты маңызды екенін жеткізді.
«ҚР Президенті Қасым-Жомарт Тоқаев осы референдум өткізу жөніндегі жарлығы жарыққа шыққаннан кейін, Ауыл халықтық демократиялық партиясы өзінің саяси кеңесін өткізді. Референдум біздің құқықымызды пайдалану үшін өтеді. Ал референдумға барып қатысып, азаматтық парызымыз», – деді «Ауыл» ХДП партиясының төрағасы, ҚР Парламенті Сенатының депутаты Әли Бектаев.
«Неғұрлым өз ойымызды білдіре білсек, сол кезде біз тәуелсіз боламыз. Сол кезде біз өзімізге құқымызға иеленеміз. Сол үшін халқымызды осы референдумға шақырамыз», – деді «Ауыл» ХДП партиясының мүшесі, Алматы қалалық мәслихат депутаты Қуаныш Тұрабаев.