Брифингке Тәуелсіз Мемлекеттер Достастығы атынан бақылаушылар ретінде Михаил Лебединский және Алматыдағы Ресей Федерациясының Бас консулдығының консул-кеңесшісі Артем Оганов қатысты. Бақылаушылар Алматы қаласындағы жағдай туралы баяндады.
Халықаралық бақылаушылар еліміздегі референдумда барлық құқықтық-нормативтік заңдар сәйкес өтіп жатқандығын айтты. Сонымен қатар жалпы есеп бойынша 49 пайызға жуық сайлаушы дауыс бергендігін нақтылап өтті.
– Қазақстандағы жалпы халықтық референдум барша халықаралық стандарттарға сәйкес өтуде. Қазірдің өзінде 60 пайыздан астам дауыс беруішілер дауыс берген. Бұл жақсы көрсеткіш деп бағалар едік, – деді .
Спикерлер онлайн және офлайн сайлаудың айырмашылығы жөнінде пікірлерімен бөлісіті.
– Өте сауатты сұрақ қойылды деп білеміз. Өйткені бұл әлемде бар тәжірибе. Дәлірек айтқанда Эстония бұл тәжірибені өздерінен өткізген. Бірақ олардың халқының саны салыстырмалы түрде қарағанда аздау. Ал онлайн сайлауды, телефон, смартфонның көмегімен алдағы уақытта жүзеге асыратынымыз анық. Бірақ қазіргі жас шамасы 50-60 жасты құрайтын егде кісілер электронды дауыс беруге толық мүмкіндігі жетпеуі мүмкін. Көбісі елді-мекен, ауылдық жерде орналасса, оған интернет қолжетімділігі керек болады. Сол себепті осындай келеңсіздіктер туындайды. Дегенмен келешекте түбі бір электорнды дауыс беруге көшіп қалуымыз ғажаб емес.
Жиын соңында халықаралық сарапшылар Қазақстандағы Референдум халықтың белсенділігімен әрі жоғары деңгейде өтіп жатқандығын жеткізді.