АЭС салу бойынша референдум 2024 жылдың 6 қазанында өтеді. Аймақтық сайлау комиссиясы мен Алматы қаласының әкімдігі бірігіп тұрғындарға өзінің дауыс беру учаскесі туралы мәліметтерді нақты уақыт режимінде келесі арналар арқылы алуға мүмкіндік береді:
Телеграм бот(https://t.me/almaty_referendum2024_bot) арқылы ЖСН енгізіп сайлау учаскесін анықтауға болады.
Сондай-ақ, https://mapalmaty.kz/referendum сайты арқыла да сол қызметтерді алуға болады
Азаматты дауыс берудің нақты учаскесінде республикалық референдумға қатысуға құқығы бар азаматтар тізіміне енгізу үшін оның референдумның көрсетілген учаскесінің аумағында тұрғылықты жері бойынша тіркелу фактісі негіз болып табылады. Мекенжай мәліметтерін тіркеу, түзету және тексеру үшін egov.kz «электронды үкімет» порталының «Азаматтық, миграция және иммиграция → Халықты тіркеу және тіркеу есебінен алып тастау» бөлімі бойынша немесе «Азаматтарға арналған үкімет» мемлекеттік корпорациясына жүгіну қажет.
2024 жылдың 6 қазанына белгіленген республикалық референдумға қатысу арқылы конституциялық құқыңызды жүзеге асырыңыз.
