Ертең Алматыда өтетін тарихи кездесуге орай баспасөз конференциясында "Реал Мадридтің" қазіргі жағдайы айтылды. Журналистер "Реал" кейінгі екі ойында жеңілгеніне қатысты "Қайрат" бапкерінен пікір сұрады, - деп хабарлайды Аqshamnews.kz тілшісі.
"Реал өте шаршаңқы, олар қатарынан екі рет ұтылды, олар үшін дағдарыс. Алматыға Мбаппе келді, бұл нені білдіруі мүмкін?" - деп сұрады журналистердің бірі бас бапкерден.
"Қайрат" футбол клубының бас бапкері Рафаэль Уразбахтин те "Реал" қызу дайындықпен келгенін атап өтті.
"Реал" – әлемдегі ең танымал клубтардың бірі, футболдағы нағыз гранд. Олардың Алматыға толық құраммен келу – заңдылық. Қатарынан екі жеңілістен кейін бар айбынын бізге төгетіндей, қайта қалпына келуге тырысады деп ойлаймын. Бізге қарсы кездесуді олар өздерінің намысын қайтарудың мүмкіндігі ретінде көреді".
Сондай-ақ, ол "Реалдың" ұзақ жолына қатысты пікір білдірді.
"Бұл футболшылар үлкен қысымға үйренген. Ұзақ сапар немесе тығыз кесте оларды әлсірете қоймайды. Сондықтан олардың шаршаңқы болып шығуы екіталай. Біз өз кезегімізде өз ойынымызды жалғастыруға тырысамыз".