Разия МҰРАТБЕКОВА: Менің де дауысым бәрін шешеді

«Менің даусым не шешеді, бір адамның дауысына байланып тұрған не бар дейсіз?!» деп үйде бейжай отыра берсек, «Әділетті Қазақстанды» қалай жасаймыз?! Елдің болашағы біз бен сіздің қолыңызда. Әр дауыс маңызды. Сондықтан бүгін отбасыммен өзіміз тіркелген №4 сайлау учаскесіне келіп, дауыс бердік. Өзім қаладағы «Үміт» саңырау мүгедектерді қолдау орталығында әлеуметтік қызметкер болып еңбек етемін. Мен секілді өзге де мүмкіндігі шектеулі жандар тегіс келіп, таңдауымызды жасадық. Себебі жарқын күндерден үміттіміз, бүгінгіден де бақуатты өмір сүретінімізге сенемін», - дейді «Үміт» саңырау мүгедектерді қолдау орталығының әлеуметтік қызметкері Разия Мұратбекова.