Рамен лапшасы тек Жапонияда емес, бүкіл әлемде танымал. Алайда бұл тағамға деген шектен тыс әуестік қауіпті екені айтылды, - деп хабарлайды Аqshamnews.kz тілшісі "Доктор Питерге" сілтеме жасап.
Рамен – бидай ұнынан жасалған дәстүрлі жапон лапшасы. Әдетте сорпаға ет, көкөніс, балдыр және басқа қоспалар қосылады. Түрлі нұсқалары бар. Жақында жүргізілген сауалнамаға сәйкес, жапондар басқа лапша түрлеріне қарағанда раменді көбірек сатып алады.
Жапон ғалымдары раменді жиі жеудің өлім-жітімге әсерін зерттеп, жағымсыз қорытындыға келді. Sciencedirect журналында жарияланған мәліметке сәйкес, раменді жиі тұтынған сайын мезгілсіз өлім қаупі де жоғарылайды.
Зерттеуге 40 жастан асқан 6,7 мыңнан аса жапон қатысты, олардың үштен бірі – ер адамдар. Қатысушылар сауалнама толтырып, денсаулығы, зиянды әдеттері және раменді қаншалық жиі жейтіні туралы ақпарат берді.
- Қатысушылардың 46,7 пайызы раменді айына 1–3 рет ішкен.
- Шамамен 27 пайыз-ы – аптасына 1–2 рет.
- 7,4 пайызы – аптасына 3 реттен жиі жеген.
Зерттеу бірнеше жылға созылды. Нәтижесінде ең жоғары өлім қаупі:
- аптасына 3 реттен жиі рамен жейтіндерде болған;
- сорпаның жартысынан көбін ішкендерде (себебі тұзы өте көп);
- раменді алкогольмен бірге тұтынғандарда анықталды.
Ғалымдардың айтуынша, мұның басты себебі – тағамдағы шамадан тыс тұз мөлшері.
"Тұзды көп жеу инсульт, асқазан обыры сияқты жүрек-қан тамыр ауруларына әкеледі. Раменде әдетті тұз көп, сондықтан оны жиі жеу осы аурулар арқылы өлімге әкелуі мүмкін", – делінген зерттеуде.
Сонымен қатар, раменді жиі тұтынғандар арасында дене салмағы индексі жоғары, темекі шегетін, алкоголь ішетін, қант диабеті мен гипертониясы бар адамдар көбірек болған.