Жасымық (чечевица) өсімдік ақуызына, темір мен фолий қышқылына бай. Оны суға шылап қоюдың керегі жоқ, тез дайындалады. Жасымықты тұрақты пайдалану қандағы қант деңгейін ұстап тұрады.
Қызыл пиязда кверцетин бар, ол қабынуды төмендетіп, иммунитетті нығайтатын мықты антиоксидант.
Көкөністі пісіргенде пайдалы заттары жойылып кетеді деген сөз жалған. Әрине, кейбір дәрумендер (мысалы, С) жоғары температурада жойылады, есесіне басқа пайдалы заттар жеңіл сіңіріледі.
Піскен сәбізде бета-каротин көбірек болады, ал қызанақ пісірілген кезде ликопинге байиды, ол өте жақсы антиоксидант.
Көкөністерді буға пісіргенде нәрлі заттары көбірек сақталады.
Сондықтан, көкөністерді шикілей де, пісіріп те жеген дұрыс.
Зәйтүн майы (бірінші суық сығымдалудан өткен) полифенолға бай, онда жасушаны қабынудан қорғайтын және жүрекке пайдалы антиоксиданттар бар.
Зәйтүн майын тұрақты қолдану жүрек-қан тамыр ауруларының алдын алады, тамыр серпімділігін арттырады.
Фундук жаңғағында Е дәрумені, магний мен пайдалы майлар көп. Ол миға жақсы.
Ашытылған қырыққабатта С дәрумені көбірек және ішекке пайдалы пробиотиктер бар.
Қара зире құрамында тимохинон бар, ол мықты антиоксиданттық қасиетке ие. Қара зирені жиі пайдаланып жүрсе, иммунитет нығаяды, қандағы қант құрамын реттейді.
Баялды (баклажан) құрамында насунин бар. Ол ми жасушасын зақымданудан қорғайды, жүйке жүйесіне пайдалы.
Сүт ағзадағы кальцийді жояды деген жалған.
Зерттеулер бойынша, сүт және сүт өнімдері – кальцийдің көзі. Ол сүйекке қажет, остеопороздың алдын алады. Әрине, әр нәрсенің өлшемі бар.
Тек қана лактозаны көтере алмайтын немесе сүт ақуызына аллергиясы бар адамдар сүтті пайдалануға болмайды. Ондай жағдайда, кальцийі бар көкөністерді, күнжіт, бадамды рационға қосу керек.