Биыл жазда Қытайда болған аптап ыстық Шыңжаң мұздықтарының еріп, су тасқынына айналуына себеп болған
Қытайдың Шыңжаң Ұйғыр автономиялық ауданында (ШҰАР) орналасқан Такламакан шөлінде көптеген көлдер пайда болды, деп хабарлайды Almaty-akshamy.kz ҚазАқпаратқа сілтеме жасап.
CCTV телеарнасының хабарлауынша, Қытайдың ең үлкен шөліндегі көлдер Тарым өзенінде соңғы 10 жылдағы ең үлкен су көлемі тіркелгеннен кейін пайда болды, нәтижесінде су төбелерге ағып кетті.
Шыңжаң су шаруашылығы басқармасының мәліметінше, мамыр айының аяғынан қыркүйек айының соңына дейін Тарым өзенінің бастауындағы ағын су бұрынғы жылдардағы осы кезеңмен салыстырғанда 1,5 есе артқан.
Бұл 1957 жылы өлшеу жүргізілгеннен бергі ең қуатты ағын болды.
ҚХР ресурстары министрлігінің мәлімдемесіне сәйкес, биыл жазда Қытайда болған аптап ыстық Шыңжаң мұздықтарының еріп, су тасқынына айналуына себеп болды.
Биыл Тарым өзенінің негізгі ағысындағы су тасқыны мамыр айынан бастап қатарынан 80 күнге жалғасты.
Такламакан шөлі 337 мың шаршы км аумақты алып жатыр. Жауын-шашынның жылдық орташа мөлшері әдетте 100 миллиметрден аспайды.
Тарым - Такламакан шөлінің солтүстік шекарасымен ағып өтетін Қытайдағы ең ұзын ішкі өзен.