Қытайдың Тибет автономиялы ауданында магнитудасы 6,8 балдық жойқын жер сілкінісінен қаза болғандардың саны артып, 95-ке жетті, деп хабарлайды aqshamnews.kz.
Тағы 130 адам жарақат алған. Бұл туралы "Рейтер" ақпарат агенттігі хабарлады.
Зілзала ошағы Непалмен шекараға жақын Тингри уезінде 10 шақырым тереңдікте тіркелді.
АҚШ сейсмологиялық орталығының мәліметі бойынша жер сілкінісінің күші 7,1 балды құраған. Тербеліс Непал астанасы Катманду да сезілді. Қазір табиғи апат аймағында іздестіру-құтқару жұмыстары жалғасып жатыр.