Қытайда сынақтан өткен жаңа пойыз әлемдік рекорд орнатты: ол сағатына 450 шақырым жылдамдықпен жүйткіді. Бұл жобаның жүзеге асуы үшін инженерлер төрт жыл бойы теміржол көлігін құрастырумен айналысты, деп хабарлайды aqshamnews.kz
Жобаның негізгі қиындықтарының бірі — жылдамдықты арттыру ғана емес, сондай-ақ тиімді тежегіш жүйесін жетілдіру болды. Мамандар пойыздың салмағын жеңілдету мақсатында инновациялық материалдар қолданды. Темірдің орнына көміртекті талшықты композиттер мен магний қорытпалары пайдаланылды, бұл пойыздың жылдамдығы мен тежеу жүйесін үйлестіруге мүмкіндік берді.
Бұл жаңашылдық әлем инженерлерінің назарын аударды. Егер сынақ кезеңі сәтті өтсе, Қытай көрші елдермен коммерциялық қолданысқа енгізуді жоспарлап отыр.