Сейсенбі күні Қытайдың оңтүстік-батысындағы Сицзан автономиялық ауданы, Шигацзе қаласының Динжи уезінде магнитудасы 6,8 балдық жер сілкінісі тіркелді, деп хабарлайды aqshamnews.kz Синьхуа агенттігіне сілтеме жасап.
Қытайдың сейсмологиялық желі орталығының мәліметінше, жер сілкінісінің эпицентрі солтүстік ендіктің 28,50 градусы мен шығыс бойлықтың 87,45 градусында, гипоцентр 10 км тереңдікте орналасқан.
Жер сілкінісінің салдарын жою жөніндегі жергілікті штабтың хабарлауынша, сейсенбі күні сағат 12:30-дағы жағдай бойынша 52 адам қаза тауып, тағы 62 адам жарақат алған. Чансо елді мекенінде орналасқан Тоңлай ауылындағы үйлер де құлаған. Динжи округінің басшысы жер сілкінісінің бүкіл округте қатты сезілгенін атап өтті.
Бұған дейін Гринвич уақытымен сағат 01:05-те Непалдың Лобуче елді мекенінде де жер сілкінісі болған еді.