2027 жылға қарай мұндай көліктер қалаларда іске қосылмақ.
Қытайда GAC компаниясы GOVE деп аталатын ұшатын автокөлік жасап шығарып, көпшілікке көрсетті, деп хабарлайды aqshamnews.kz
Бұл туралы жазған ixbt.com порталының мәліметінше, GOVE – бұл бөлек конфигурацияны қолданатын толық электрлік тік ұшу және қону ұшағы (eVTOL). Ал GOVE шассиі – бұл eVTOL кабинасының ақылды ұшу-қону платформасы әрі мобильді зарядтау станциясы. Кабина шасси бөлігінен ұшқан соң, шасси ең жақын қуаттау станциясын тауып бара алады. Ал ұшып кеткен кабина қонуға дайын болған кезде, жақын маңдағы шассимен байланыс орнатады. Шасси оның дәл қонуына көмектесіп, кабинаны қайта қуаттайды.
GOVE кабинасында 12 бұрандалы 6 осьті көп роторлы конфигурация бар. Ал бір осьті көтеру максималды ұшу массасының үштен бірінен асады. Оған осы уақытқа дейін 400-ден астам ұшу тексерулері жүргізілген.
2027 жылға қарай GAC Гуандун, Гонконг, Макао үлкен шығанағы аймағындағы екі-үш қалада ұшатын көліктердің пилоттық жұмысын іске қосуды жоспарлап отыр.