Солтүстік Қытайдың Шаньси провинциясындағы Тайюань қаласынан Алматыға алғаш рет жүк ұшағы жүк жеткізді. Бұл туралы Тайюань қаласы әкімдігінің сайты жазды, деп хабарлайды aqshamnews.kz,
Boeing 737-800 ұшақтарымен Tianjin Cargo Airlines компаниясы қызмет көрсететін тұрақты жеткізілімдердің алғашқысы. Жаңа авиарейстер аптасына екі рет, дүйсенбі және жұма күндері орындалатын болады.
Shanxi Airport Logistics Co Ltd халықаралық бизнес бөлімінің директоры Ли Хайбиннің айтуынша, жүк чартерлік рейстерінің ашылуымен тасымалдаудың жалпы тиімділігі 60%-ға артты, логистикалық шығындар 30%-ға азайды.
Қытай кеденінің мәліметіне сәйкес, алғашқы жүк ұшағы күнделікті қажеттілікке арналған тауарлар мен автобөлшектерді жеткізген. Алдағы уақытта осы бағыт бойынша тасымалданатын жүк атауларының саны артуы күтілуде.
Жаңа авиабағыт автомобиль запчастарымен, жаңа энергетикалық өнімдермен, электроникамен және медициналық жабдықтармен Қазақстан мен Орталық Азияның басқа елдеріне жүк тасымалдауға үлкен мүмкіндіктер ашады.