2025 жылдың қыркүйек айынан бастап алматылықтар онкоскринингтерден тегін өте алады. Бұған дейін бұл қызметті алу үшін «сақтандырылған» статусы қажет болатын, деп хабарлайды Аqshamnews.kz. Бұл туралы Алматы қаласының №6 қалалық емхана директоры Гүлшахира Камбарова мәлімдеді.
Айта кетсек, онкоскринингтердің қолжетімді болуы міндетті әлеуметтік медициналық сақтандыру туралы заңнамаға енгізілген өзгерістердің арқасында мүмкін болды. Сонымен қатар, әлеуметтік маңызы бар 8 ауруды диагностикалау мен емдеу де толықтай тегін болады.
Скрининг арқылы қандай сырқаттарды анықтауға болады?
• Жатыр мойны обырын ерте анықтау – 30-70 жас аралығындағы әйелдер
• Сүт безі обырын ерте анықтау – 40-70 жас аралығындағы әйелдер
• Колоректальды обырды ерте анықтау – 50-70 жас аралығындағы ерлер мен әйелдер
Скринингтен өту жиілігі қандай?
Скринингтік зерттеулердің кей түрі бес жыл сайын, кейбірі – екі немесе төрт жыл сайын жасалады. Мысалы, сүт безі ісігі мен колоректалды обырға 2 жылда 1 рет, ал жатыр мойны обырына – 4 жылда 1 рет тексерілу қажет.
Скринингтік бағдарламаға қандай қызметтер кіреді?
Әйелдер жатыр мойны обырына тіркелген емхана арқылы тексеріледі. Акушер-гинеколог, онколог пен маммолог сынды мамандар кеңесіне жүгініп, УДЗ, маммография сынды тексерулерден өте алады. Сонымен қатар, сүт безі обырының алдын алу үшін видеокольпоскопия немесе кольпоскопия, ПАП-тест, пункциялық биопсия мен гистологиялық зерттеулерге тапсыруға болады.
Колоректалды обырдың алдын алуға арналған тексерулерден ерлер де, әйелдер де өтуі тиіс. Профилактикалық іс-шаралар барысында олар хирург, онколог, гастроэнтеролог пен проктолог мамандардан кеңес алады. Сондай-ақ, үлкен дәреттегі жасырын қанды тексеру мақсатында шұғыл әдіспен гемокульт-тест тапсырады, жалпы видеоколоноскопию, эндоскопиялық биопсия және гистологиялық тексерулерден өтуге болады.
Скрининг өткеннен кейін не істейміз?
Скринингтік зерттеуден өткен пациенттер денсаулығынан ақау табылған жағдайда салалық мамандардың консультация