Қырғызстанның білім және ғылым министрі Алмазбек Бейшеналиевке қатысты ірі көлемде пара бопсалау фактісі бойынша қылмыстық істі тергеу жалғасып жатыр. Бұл туралы елдің ІІМ баспасөз қызметі мәлім етті, деп хабарлайды Almaty-akshamy.kz Inform.kz-ке сілтеме жасап.
Тергеу барысында министрдің шетелдік студенттерді отандық жоғары оқу орындарына қабылдағаны үшін ірі көлемде пара алғаны анықталды.
Ол атқарушы билік органдарының нормативтік құқықтық актілерін қабылдағаннан кейін жоғары оқу орнына қабылдау мәселесін шешуге уәде берген.
Қажетті қаулыны дайындау үшін ол осы мәселенің бәрін шешуге 100 000 доллар көлемінде ақша талап еткен.
Тергеу барысында ол жоғарыда аталған соманы бірінші рет осы жылдың 28 тамызында алғаны анықталды.
Осыдан кейін біраз уақыттан соң мәселе әлі түпкілікті шешілмегендіктен оған қайтадан жүгінген.
Бұл жолы министр пара ретінде қосымша 10 мың доллар көлемінде ақша бопсалаған.