Қазақ мен Өзбек шекарасында құпия туннель табылды. Жасырын жолмен жүрген құқық қорғау органы қызметкерлері құны 1 миллиард сом тұратын дәрі-дәрмекке тап болған, - деп хабарлайды аlmaty-akshamy.kz gazeta.uz-ға сілтеме жасап.
Осылайша Өзбекстанда Қазақстан арқылы Үндістаннан сапасыз ірі көлемдегі дәрі-дәрмектерді жеткізумен айналысқан трансшекаралық қылмыстық топтың жолы кесілді. Жедел шараны Мемлекеттік күзет қызметі Шекара әскерлерімен және Кеден комитетінің "Ташкент-Аэро" мамандандырылған кеден кешенімен бірлесіп жүргізген.
Жедел іс-шара барысында дәрі-дәрмектің келесі партиясы Делиден Алматыға Ташкент арқылы транзитпен жеткізіліп, одан кейін Қазақстанмен шекаралас Түркістан облысы, Сарыағаш ауданы, Достық ауылына жеткізіліп, жасырын туннель арқылы Өрікзорға тасымалданғаны анықталды.
Ұзындығы 310 метр туннель Өрікзор ауылындағы 1975 жылы туған тұрғынның үйінен шыққан. Ең қызығы, құпия туннель арнайы желдету және жарықтандырумен жабдықталған. Тіпті, жүк тасымалдауға арналған арбалар мен арқандар бар.
Қылмыстық топтың күдікті мүшелерінен Үндістанда жасалған 107 атаудағы 17 048 қаптама есірткі заттары тәркіленді. Атап айтқанда, альбумин, ремдесивир, меропенем секілді түрлері бар болып шықты. Олардың жалпы құны 1 миллиард сомнан асады.
Бүгінгі таңда осы іс бойынша қылмыстық іс қозғалып, қылмыстық топқа қатысы бар деген күдікпен бірнеше адам ұсталған.