Құлжа трактінің жөнделетін учаскесінде қауіпсіздікті қамтамасыз ету үшін уақытша белгі қойылды – әкімдік
Алматы қалалық мобильділік басқармасында Рысқұлов даңғылынан Бұқтырма көшесіне дейін Құлжа трактінің қайта жаңғыртылу барысы туралы хабарланды.
Естеріңізге сала кетейік, жұмыстар аясында жолдарды 4-тен 6 жолаққа дейін кеңейту жоспарлануда, бұл учаскенің өткізу қабілетін екі есеге арттыруға мүмкіндік береді. Жобада жалпы ұзындығы 2,3 км жолды әр бағытта 3 жолақты құрылғымен қайта жаңарту көзделген.
Басқарма бүгінде учаскенің барлық ұзындығында жолдың негізін салу және асфальтбетон жабынының төменгі қабаттарын төсеу бойынша жұмыстар жүргізілгенін атап өтті.
«Қолайлы ауа-райы жағдайында 500 метрлік учаске ағымдағы аптаның соңына дейін аяқталады және қозғалыс толығымен ашық болады. Жол қозғалысына қатысушылардың қауіпсіздігін қамтамасыз ету үшін қайта жаңартылатын учаскеде уақытша жол белгісі қойылды. Трафиктің тығыздығын ескере отырып, асфальтбетон жабынының жоғарғы қабаты демалыс күндері 15 қыркүйекке дейін төселеді. Осыдан кейін тұрақты жолақтар жасалады», - деп атап өтті басқарма.
Сондай-ақ жол жиектерінде тосқауыл қоршауын, жарықтандыру тіректерін және екі жағынан ені 2-ден 3 метрге дейінгі тротуарды орнату бойынша жұмыстар жалғастырылатын болад