Алматыда бір түнге Марков көшесінің учаскелерінің бірінде қозғалыс шектеледі
Алматыда 1983 жылы пайдалануға енгізілген жылу трассасын ауыстыру үшін Марков көшесінің бір бөлігі бір түнге жабылады
27 мамырдың сағат 21:00 бастап 28 мамырдың сағат 07:00 дейін Алматы қаласы Бостандық ауданында Марков көшесінің бойымен Бұқар Жырау желекжолынан бастап Пожарский көшесіне дейін екі бағытта автокөліктер қозғалысы шектеледі.
Уақытша шектеулер көрсетілген көше сегментінің жүргін бөлігінің астымен төселген магистральдық құбыржол учаскесін жаңғырту бойынша жоспарланған жұмыстардың қауіпсіздігін қамтамасыз ету үшін енгізіледі.
Еске салсақ, Бостандық ауданында Ғабдуллин – Хамит Ерғалиев, Жағалау маңы – Бұқар Жырау – Байтұрсынов көшелерінің контурында орналасқан, жалпы ұзақтығы 2,7 километрді құрайтын, 1983 жылы пайдалануға берілген құбыржолды жаңғырту жоспарланып отыр. Жаңғырту жұмыстарын жүргізу мерзімінің ішінде тұтынушыларға ыстық су беру үзілмейді.
Аталған жылу трассасы 128 көппәтерлі тұрғы үйдің, 25 жеке үйдің тұрғындары, 2 балабақша, 1 мектеп, 1 медицина мекемесі және 65 басқа да объектілер үшін жылу энергиясын беруді және ыстық сумен жабдықтауды қамтамасыз етеді.
Жалпы алғанда, ағымдағы жылы қала бойынша 39 км жылу трассасын жаңғырту жоспарланған. Бұл тозу деңгейін 54% дейін азайтуға мүмкіндік береді.
Ескертеміз, қозғалыстарды шектеуге қатысты барлық ақпарат Almaty.kz сайтында, @AlmatyJoly Telegram-арнасында, аудандық әкімдіктер мен басқармалардың әлеуметтік желілерінде, сондай-ақ «2GIS» және «Яндекс карталар» сервистерінде орналастырылған.
Уақытша қолайсыздықтарға түсіністікпен қарауларыңызды сұраймыз.
«Алматы жылу жүйесі» ЖШС