Қала тұрғындарымен кездесуде Дархан Сатыбалды баспананы рәсімдеу кезінде туындайтын мәселелер, коммуналдық қызметтер бойынша берешек және ТҮКШ саласындағы өзге де мәселерді талқылады, – деп хабарлайды aqshamnews.kz тілшісі.
"Азаматтарды жеке мәселесі бойынша қабылдадым. Инженерлік және көлік инфрақұрылымын дамыту, жер қатынасы және кәсіпкерлік бастамаларды қолдауға қатысты өтініштерді қарадым", деп жазды шаһар басшысы инстаграм парақшасына.
Қозғалған жайттардың дені азаматтарды тұрғын үймен қамтамасыз ету және тұрғын үй-коммуналдық шаруашылық саласына қатысты болды. Тұрғындар баспананы рәсімдеу кезінде туындайтын мәселелер, коммуналдық қызметтер бойынша берешек және ТҮКШ саласындағы өзге де мәселемен жүгінді.
Әрбір өтініш бойынша алдағы іс-қимылдар айқындалды. Жауапты басқармалар мен аудан әкімдіктеріне нақты тапсырма бердім.
Биыл мемлекеттік қолдау шаралары аясында 4 051 пәтер берілді. 1 263 пәтерді «Алматы жастары» бағдарламасының қатысушылары жеңілдетілген тұрғын үй несиесі арқылы сатып алды. Қалған баспана кезекте тұрған халықтың әлеуметтік осал топтарына берілді.
Дегенмен тұрғын үйге деген сұраныс әлі де жоғары. Барлық мұқтаж азаматты бір мезетте тұрғын үймен қамтамасыз ету мүмкін емес. Қолданыстағы мемлекеттік қолдау тетіктерінің қолжетімділігін кезең-кезеңімен кеңейту маңызды. Әсіресе, көмекке мұқтаж азаматтарға басымдық берілуге тиіс.