Қостанайда 2021 жылы туған кішкентай қыз ойнап жүріп, басын баспалдақтың арасына қысылып қалды. Бұл туралы Aqshamnews.kz сайты хабарлайды.
Анасы өз бетінше көмектесе алмағандықтан, құтқарушыларды шақыруға мәжбүр болған. Оқиға орнына дереу жеткен мамандар баланы қауіпсіз түрде босатып, аман алып қалды.
Абырой болғанда, бүлдіршінге медициналық көмек қажет болған жоқ. Құтқарушылар ата-аналарға балалардың қауіпсіздігіне мұқият болу қажеттігін ескертеді.