Қостанайда мамандандырылған қылмыстық істер жөніндегі сот аса қатыгездікпен адам өлтіру ісі бойынша үкім шығарды, деп хабарлайды Aqshamnews.kz.
Іс материалдарына сәйкес, 2025 жылдың шілдесінде облыс тұрғыны өз үйінде жанжал кезінде жұбайы мен енесіне бірнеше пышақ жарақатын салып, олардың өмірін қиған. Қылмыстан кейін ер адам оқиға орнынан қашып кеткен.
Мемлекеттік айыптаушы соттан 20 жыл жаза тағайындауды сұраған. Жәбірленуші тарап та қатаң жаза беруді талап етті. Сотталушы өз кінәсін біртіндеп мойындаған. Тергеу барысында оның әрекетін жеңілдететін де, ауырлататын да жағдайлар анықталмады.
Соттың шешімімен айыпталушы 19 жылға бас бостандығынан айырылды. Жаза орта қауіпсіздік мекемесінде өтеледі. Жәбірленуші тараптың моральдық шығын өндіру туралы азаматтық талабы толықтай қанағаттандырылды.
Үкім әлі заңды күшіне енген жоқ.