Қостанай қаласында белгісіз бір жігітті әскери комиссариатқа күштеп алып кетпек болған оқиғаға қатысты полиция тексеріс бастағанын мәлімдеді, деп хабарлайды aqshamnews.kz тілшісі.
Куәгерлердің сөзінше, оқиға 6 маусымда кешкі сағат 22:00 шамасында болған. Жұмысынан шығып келе жатқан жігітке азаматтық киім киген үш ер адам жақындаған.
"Олар өздерін таныстырған жоқ. Жігітті күштеп алып кетпек болды. Біздің қызметкерлерді итеріп, балағаттады. Заңгерімізді күтпестен, оны күштеп көлікке отырғызып әкетті", – дейді куәгерлердің бірі.
Осы жағдайға байланысты Қостанай облысы полиция департаменті түсінік берді.
"Қызметтік тексеріс басталды. Оның нәтижесінде полицейлердің әрекетіне құқықтық баға беріледі", – делінген ведомствоның ресми хабарламасында.