Қостанайда салмағы 7 келіге жуық алып қыз дүниеге келді.
Әулиекөл ауданының тұрғыны Әйгерім Долдашева салмағы 6,7 келі қызды дүниеге әкелді. Алып қыз Қостанай облыстық ауруханасының перинаталдық орталығында дүниеге келді, деп хабарлайды Аlmaty-akshamy.kz ҚазАқпаратқа сілтеме жасап.
«Босанған әйел бала салмағының үлкен екенін алдын ала білді, сондықтан отбасы да, дәрігерлер де дайындалды. Бала мерзімінде кесар тілігі арқылы туды. Туу кезеңі ауыр өткендіктен, реаниматологтардың көмегі қажет болды. Анасы екі күн жансақтау бөлімінде жатты. Қазір оның өміріне қауіп төніп тұрған жоқ, сәби анасының қасында», - дейді облыстық аурухананың баспасөз хатшысы Ксения Жилкибаева.
Салмағы үлкен баланың дүниеге келуіне аурухана қызметкерлері де дайын болды. Бірақ олар бұған дейін 6 кг-нан артық салмақпен туған жағдай болған жоқ дейді.
Бұл - отбасындағы үшінші бала.
Айаруды анасымен бірге Әулиекөлде отбасы күтіп отыр, олар жағдайы оңалғаннан кейін бірден үйіне қайтады.
