Қостанайда Чехов көшесінде орналасқан көпқабатты тұрғын үйден қатты түтін шығып жатқаны туралы «112» қызметіне хабарлама түсті. Үйде 1938 жылы туған кейуана болған, - деп хабарлайды aqshamnews.kz.
Өртсөндірушілер үш сатылы баспалдақ арқылы терезеден пәтерге кіріп, 1938 жылы туған қарт әйелді құтқарып, оны далаға қауіпсіз жерге эвакуациялады. Оқиға орнында Апаттар медицинасы орталығының мамандары әжені тексеріп шықты. Абырой болғанда, медициналық көмек қажет болмады.
Плитада тамақ дайындағанда қауіпсіздік шараларын қатаң сақтау қажет!
Төтенше жағдайлар министрлігі еске салады:
- Плитаны ешқашан қараусыз қалдырмаңыз;
- Тамақ дайындау процесін тұрақты бақылауда ұстаңыз;
- Пәтерлерге дербес өрт хабарламаларын (датчик) орнатыңыз.