Қостанай облысының Тобыл кентінде жүк көлігі автожанармай құю станциясына соғылды, - деп хабарлайды тілшісі Аqshamnews.kz "Наша газетаға" сілтеме жасап.
Облыстық полиция департаментінің мәліметінше, оқиғаға байланысты тексеру жүргізіліп жатыр.
"Алдын ала деректер бойынша жүргізуші жанармай құю бекетіне соқтығысқан. Оқиға салдарынан зардап шеккендер жоқ", – деді ПД өкілдері.
Полиция жүргізген сараптама нәтижесінде жүк көлігінің жүргізушісі мас болмағаны анықталды.
Еске салайық, бүгін, 27 қыркүйекте Ақмола облысында КамАЗ бен жеңіл автокөлік соқтығысқан еді. Салдарынан кәмелетке толмаған қыз көз жұмып, 65 жастағы жолаушы түрлі жарақаттарымен ауруханаға жеткізілген.