ШҚО-да қос азаматтығы бар 48 адам анықталды.
Қазақстанда жүрген қос азаматтығы бар шетелдіктер қуылды, деп хабарлайды aqshamnews.kz
ШҚО полиция департаментінің көші-қон қызметі басқармасының қызметкерлері облыс аумағынан қос азаматтығы бар 50-ге жуық адамды анықтады. Олардың тоғызы сот шешімі бойынша Қазақстаннан тыс жерлерге шығарылды.
"Мысалы, Өскемен қаласының 59 жастағы тұрғыны 2021 жылдың мамыр айында көрші мемлекеттің азаматтығын алған, бірақ бұл туралы заңда белгіленген мерзімде құқық қорғау органдарына хабарламаған. Шетелдіктің жеке куәлігі мен Қазақстан Республикасы азаматының төлқұжаты тәркіленіп, Қазақстан азаматтығынан айыру тіркелді. Заңды бұзғаны үшін ер адам 200 АЕК көлемінде айыппұл төледі",-деп атап өтті ШҚО ПД көші-қон қызметі басқармасының бастығы Ринат Шкибаев.
ШҚО ПД көші-қон қызметі Қазақстан Республикасының Конституциясына сәйкес елімізде қос азаматтыққа жол берілмейтіндігін және заңнама талаптарын сақтауды ескертеді.