Қалада «Бірге таза Қазақстан» экологиялық акциясы басталды
Алматы облысының орталығы Қонаев қаласында жалпыхалықтық сенбілік басталды. Іс-шара аясында әртүрлі аудандарда жаппай ағаш отырғызылып жатыр, деп хабарлайды Almaty-akshamy.kz.
№7 жағажайдың саябақ аймағында 300 жас терек отырғызылды. Сейфуллин көшесінің бойында (автотрассадан теміржол жолдарына дейін) 100 шырша және 100 қарағай, 10 емен мен қарағаш егілді. Фрунзе көшесінің бойында (ГОВД мен қарттар үйінің арасында) 50 шырша, 50 қарағай және 100 қарағаш отырғызылды. Санитарлық тазарту аясында 20 тонна қоқыс жиналып, шығарылды. Акцияға 1000-ға жуық адам қатысты.
«Сенбілікке Заречный ауылдық округінде 4 бірлік техника және 200-ден мекеме қызметкерлері жұмылдырылды. Нәтижесінде 130 м3 қоқыс шығарылды. Сондай-ақ, каталпа сортының 30 ағашы отырғызылды», - деп хабарлады облыс әкімінің баспасөз қызметі.