Қала күнін атап өту аясында 15-17 қыркүйек аралығында Орталық мәдениет және демалыс саябағында бақтар, гүлдер және ландшафттық өнер бойынша «Almaty Garden Show» фестивалі өтеді, деп хабарлайды Almaty-akshamy.kz.
Қонақтарға әлемнің жетекші дизайнерлерінен, бағбандар мен гүл өсірушілерден шеберлік сабақтары өткізіледі. Сарапшылар кәсіби көгалдандыру, гүл шоқтарын заманауи түрде жасау және ландшафттық дизайнның жаңа трендтері бойынша ұсыныстармен бөліседі. Жылыжайлардың иелері, бау-бақша жабдықтарын жеткізушілер «Бақшаның сәні» бойынша соңғы жетістіктерін көрсетеді.
Естеріңізге сала кетейік, жыл сайынғы іс-шара Алматыда он бірінші рет өтіп жатыр. Өткен жылы "Almaty Garden Show" көрмесіне 30 мың адам келді. Дәстүр бойынша фестиваль аясында конкурстар өткізіледі, оның қорытындысында әр түрлі номинациялардағы жеңімпаздар дипломдармен және ақшалай сыйлықтармен марапатталады.
Анықтамалар мен аккредиттеу үшін: + 7 707 777 52 47 - Алматы қаласы Экология және қоршаған орта басқармасының баспасөз хатшысы Ажар Нурсеит.