*Жалпыға бірдей декларациялау: Қолма - қол ақшаны декларациялаудың шекті сомасы - 10000 АЕК *
ҚР және одан тыс жерлерде қолма-қол ақшаның болуы туралы ақпарат 10 000 АЕК шегінен аспайтын мөлшерде көрсетіледі, яғни 34,5 млн.теңге. Бұл туралы ӨКҚ-де өткен брифингте Алматы қаласы бойынша Мемлекеттік кірістер департаменті басшысының орынбасары Заңғар Шындали баяндады, деп хабарлайды аlmaty-akshamy.kz.
“Жеке тұлғалардың қолма-қол ақшаны сақтау рәсімі немесе тәсілі реттелмеген. Егер жеке тұлғада қолма-қол ақша сомасы 10 000 АЕК-тен асқан жағдайда, 250.00-нысанда ол ең көп дегенде 10 000 АЕК көрсетеді, ал қалған қаражат декларацияға енгізілмейді. Жеке тұлға оларды өз қалауы бойынша банкте немесе үйде немесе кез келген басқа жерде сақтауға құқылы. Бірақ 34,5 миллион теңгеден астам қолма-қол ақшаны декларациялау мақсатында оларды банктегі есеп айырысу шотына салуға болады. Егер сіз келесі жылдары ірі активтерді (үй, қымбат көлік) сатып алуды жоспарласаңыз, бұл сізге шығындардың дәлелі болады”, - деді ол.
Жалпыға бірдей декларациялау ережелерін түсіндіру үшін 1414 бірыңғай республикалық нөмірі жұмыс істейді.
Бұдан басқа, жалпыға бірдей декларациялауға қатысты толық ақпаратты ҚР Қаржы министрлігі Мемлекеттік кірістер комитетінің ресми сайтынан “жалпыға бірдей декларациялау” бөлімінен алуға болады (kgd.gov.kz).
Сондай-ақ, әлеуметтік желілердегі “ҚР жалпыға бірдей декларациялау” Telegram каналында, “UNIVERSAL_DECLARATION_KZ” Instagram парақшасында, “ҚР жалпыға бірдей декларациялау” Facebook парақшасында түсіндіріледі.