Алматы қалалық ТЖД "Қазгидромет" РМК-ның қолайсыз ауа райына байланысты жариялаған ескертуін еске сала отырып, 11 қарашада түнде және таңертең қалада тұман болатынын жеткізді, деп хабарлайды Almaty-akshamy.kz.
Құзырлы ведомство тұман кезінде автокөлік жүргізушілері өте сақ болуы керектігін еске салады.
"Мүмкін болса, алыс жолға шығу жоспарын кейінге шегеріп, ауа райының жақсарғанын күткен дұрыс. Егер бұл мүмкін болмаса, қауіпсіз жүрістің басты кепілі - жылдамдықты айтарлықтай төмендету екенін есте ұстаған жөн", – делінген хабарламада.
Сондай-ақ, ТЖД баспасөз қызметі туристер мен демалушыларға таулы жерге барған жағдайда барлық қауіпсіздік шараларын сақтауды сұрайды.