Алматы қаласының Өңірлік коммуникациялар қызметі “Сарапшылар лагері"аясында қоғамдық пікір көшбасшыларын оқытты, деп хабарлайды aqshamnews.kz
Алматы ӨКҚ қоғамдық-саяси, әлеуметтік жобаларды іске асыру бойынша мегаполистің қоғамдық пікір жетекшілері және блогерлермен өзара іс-қимыл жасайды.
Тәжірибелі тренерлер тыңдаушыларға әлеуметтік желілерде жеке парақшаларды жүйелі түрде қалай жүргізу керектігі туралы айтып берді - контент-жоспар құрудан бастап, оны тарату тұжырымдамасын анықтауға дейін. "Сарапшылар лагерінің" қатысушылары копирайтинг, фото және бейне контент құру, оны тарату негіздерін үйренді. Алынған білім бірден тәжірибеде қолданылды.
Іс-шараның негізгі тақырыбы "Коммуникацияның екі сатылы моделі"болды. Тренерлер тақырыптарды қызықты әрі түсінікті етіп ашты, ал пікір иелері өз кезегінде диалог режимінде блогтағы қателерді талдауға мүмкіндік алды.
Оқыту қорытындысы бойынша қатысушыларға сертификаттар табысталды.