Жалпы, жыл өнімді де нәтижелі болды.
Үшінші шақырылымдағы Қоғамдық кеңестің 2022 жылғы қызметінің қорытындысы бойынша отырысы өтті, деп хабарлайды Almaty-akshamy.kz
Жалпы, жыл өнімді де нәтижелі болды. Үш қоғамдық тыңдау өткізілді, сайтқа 18 мониторинг жүргізілді, алматылықтардың 200-ден астам хаты қаралды, оларға жауаптар беріліп, шаралар қабылданды, 15 дөңгелек үстел, тұрғындармен 21 кездесу, қала әкімдігі басқармаларының 12 есебі қаралып, олардың қызметін жетілдіру бойынша ұсыныстар берілді, ведомстволық бағынысты ұйымдардың 39 даму жоспарын талқылауға қатысты. Биылғы жылы БАҚ-пен жұмыс жасауда олқылықтар да, консультативтік-кеңесші органдармен де олқылықтар орын алғанына тоқталдық. Бұл мәселелерге алдағы жылы көбірек көңіл бөлінетін болады. Толық талдамалық есеп Қоғамдық кеңестің сайтында орналастырылады.
«Қоғамдық кеңестің үшінші шақырылымының құрамы ең түсініксіз деп айта аламын, оның құрамына қаланың қоғамдық және әлеуметтік өмірінің әртүрлі салаларын білдіретін қоғамдық пікір көшбасшылары кірді, бірақ біз ортақ пікірге келе алдық. Бұл құрамда мемлекеттік органдардың екі өкілі ғана қалды, негізінен азаматтық қоғам өкілдері. Біз бірге көптеген өзекті мәселелерді көтердік, балалардың құқықтарын қорғау мен инклюзивтілікке ерекше көңіл бөлінді, бұл жөнінде қала әкімшілігі мен республика Үкіметіне бірқатар ұсыныстар жолданды», - деді кеңес төрайымы Алтынай Көбеева.
Жыл қорытындысы бойынша кеңестің Экономика, кәсіпкерлік, цифрландыру және туризм жөніндегі комиссиясы ең нәтижелі болып шықты.
«Көшбасшылардың қатарынан табылуымыз біздің комиссияның ауқымы қала проблемаларының үлкен қабатын қамтитынын білдіреді. Осы орайда, біз тағы да қала тұрғындарын белсенділік танытып, бізбен бірге қала өміріне атсалысуға шақырғымыз келеді», деп түйіндеді сөзін комиссия төрағасы Думан Қапасов.