Парламентте қоғамдық орындарда діни киім киюге тыйым салу мәселесі қаралуы мүмкін. Бұл туралы Мәжіліс депутаты Ермұрат Бапи мәлімдеді.
Депутаттың айтуынша, еліміздің ұлттық мүдделерін, салт-дәстүрін және мәдениетін сақтау маңызды. «Қазіргі кезде қоғамда қара киім киген азаматтар санының көбеюі біздің ұлттық құндылықтарымызға айтарлықтай әсер етуде», - деп атап өтті ол.
Сондай-ақ, Ермұрат Бапи тиісті заң жобасының күзгі сессияда Парламентке ұсынылатынын хабарлады.
«Біз бір топ депутаттар осы заң жобасын әзірледік, ол қабылданған жағдайда қоғамдағы хиджаб, никаб және басқа да діни киімдер мәселесі шешіледі деп үміттенеміз», - деді мәжілісмен.
Депутаттың пікірінше, бұл заң жобасы діни киімдерге қатысты мәселелерді реттеуге көмектеседі.