Бұл туралы Қазақстан мұсылмандары діни басқармасының төрағасы Наурызбай қажы Тағанұлы Бағдарлық баяндамасында мәлімдеді, деп хабарлайды Almaty-akshamy.kz Мүфтияттың сайтына сілтеме жасап.
«2024 жылы бірқатар ауқымды іс-шараларды атқаруды жоспарлап отырмыз. Еліміз биыл бірнеше беделді халықаралық ұйымға, атап айтқанда, Түркі мемлекеттері ұйымына, Азық-түлік қауіпсіздігі жөніндегі ислам ұйымына төрағалық етеді.
Осы ретте Қазақстан мұсылмандары діни басқармасы да өзіміз бастамашыл болған Түркітілдес мемлекеттердің мүфтилер алқасына төрағалық ететінін ерекше атап өткім келеді.
Түркі мемлекеттері ұйымына қарасты бауырлас елдердің мүфтилер алқасына төрағалық ету мәртебесінің Қазақстан мұсылмандары діни басқармасына берілуі – сіз бен бізге үлкен жауапкершілік жүктейді», - деді Бас мүфти.