Ұлытау облысының Қаражал қаласында қайтарылған 1,4 млрд теңгеге 80 орындық мектеп салынады, деп хабарлайды aqshamnews.kz
Жаңа білім ошағы «Вокзал» шағын ауданында бой көтереді. Бұл ауданда мектеп тапшы болғандықтан, оқушылар қаланың басқа аудандарындағы мектептерге қатынап оқуға мәжбүр. Жаңа мектеп орын тапшылығын азайтып, білім сапасын жақсартуға ықпал етеді. Жалпы, Арнаулы мемлекеттік қордан 56,6 млрд теңге әлеуметтік нысандар салуға бөлінген.
Бұл қаражатқа: Атырау, Жетісу, Түркістан облыстарында – мектептер,
Ақмола облысында – спорт кешені,
Риддерде – көпсалалы аурухана,
Шымкентте – жатақхана,
Ақтөбе мен Петропавлда – балабақшалар салынады.
Сонымен қатар заңсыз шығарылған активтер есебінен Алматыда ерекше қажеттіліктері бар адамдарға арналған жаттығу орталығы, Арқалықта дарынды спортшыларға арналған кешен, Астанада тірек-қимыл аппараты бұзылған балаларға арналған оңалту орталығы бой көтереді. 2024 жылы мемлекетке қайтарылған активтер көлемі 300 млрд теңгеге жеткен.
Оның ішінде: Аустриядан – 36,8 млрд,
Лихтенштейннен – 116,7 млрд,
БАӘ-ден – 6,3 млрд,
Түркиядан – 6,5 млрд теңге қайтарылған.