Қырым татарларының «Ватандаш» ұлттық мәдени орталығының төрағасы, профессор Сейіт Бабалиев алматылықтардың сайлау учаскелеріне жоғары белсенділікпен келетініне сенімді.
– Бүгін бүкіл ел үшін өте маңызды күн! Сондықтан мен отбасы жағдайына байланысты №53 мектепте орналасқан №367 сайлау учаскесіне ертерек келіп, өз таңдауымды жасадым. Әлбетте, таңертеңгі сағат 7-де адамдар аз болды. Оның үстіне бүгін жексебі – демалыс. Дейтұрғанмен, алматылықтар бүгінгі тарихи күннің өз деңгейінде өтуіне атсалысатынына өз басым сенімдімін. Өйткені, біздің тұрғындар ел өмірінде болып жататын осындай маңызды шараларда үнемі белсенділік танытып жатады. Мен де бірінші жыл келіп тұрғаным жоқ. Мұндай саяси додалардан ешқашан қалыс қалған емеспін.