Еліміздің энергетика саласын әртараптандыру қажет. Бұл электр қуатының тапшылығын шешудің маңызды жолы. Алматыда өткен жиында сала мамандары осындай пікір білдірді.
Ғалымдардың айтуынша, қазіргі таңда электр қуатын тұтыну жыл сайын 3%-ға өсіп отыр. Осы қажеттілікті толық қамтамасыз ете алмағандықтан, көршілес елдерден электр энергиясын алуға мәжбүрміз.
Әсіресе, оңтүстік өңірлерде электр жарығының тапшылығы жиі байқалып, анда-санда өшіп қалады. Егер атом электр станциясы салынса, Қазақстанда сенімді әрі тұрақты энергия көзі пайда болар еді.
Күн, су және жел электр станциялары күн мен желге тәуелді. Кейде жел болады, кейде болмайды, сол себепті олардың тиімділігі төмен. Мысалы, күн электр станциялары күндіз қуат береді, ал түнде энергия жоқ. Бізге тұрақты және сенімді энергия көзі қажет.