6 қарашада, «ҚазАвтоЖол» ұлттық компаниясының баспасөз қызметі республикалық маңыздағы жолдарда ауа райының күрт нашарлағанын хабарлады, деп хабарлайды Aqshamnews.kz тілшісі.
Синоптиктердің мәліметінше, Ақмола, Шығыс Қазақстан, Солтүстік Қазақстан, Қарағанды, Қостанай, Павлодар, Абай және Жетісу облыстарында жауын-шашын (жаңбыр, қар) күтіледі. Мұндай ауа райы көктайғақтың пайда болуына, көріну қашықтығының нашарлауына және ЖКО қаупінің артуына әкелуі мүмкін.
«ҚазАвтоЖол» жүргізушілерге жылдамдықты төмендетіп, қауіпсіз қашықтықты сақтап, жол қозғалысы қауіпсіздігі ережелерін қатаң ұстануды ескертеді. Әсіресе көпірлерде, еңіс-бөлімдерде және мұз қаупі жоғары учаскелерде аса мұқият болу ұсынылады.
Жолдардың жай-күйі туралы жедел ақпарат алу үшін тәулік бойы және тегін жұмыс істейтін 1403 колл-орталығына хабарласуға болады. Диспетчерлер жолдың жабық учаскелері, бөгелістер және ауа райы жағдайы бойынша мәлімет береді.