Олардың жалақысы аздап өскен
2024 жылғы сәуір-маусым айларында мемлекеттік басқару, қорғаныс және әлеуметтік қамсыздандыру саласында 507,7 мың қазақстандық жұмыс істеген, бұл өткен жылдың екінші тоқсанымен салыстырғанда 4%-ға аз, деп хабарлайды aqshamnews.kz Ranking.kz-ке сілтеме жасап.
Олардың орташа жалақысы жыл ішінде номиналды түрде 5,2%-ға өсіп, айына 316,6 мың теңгені құрады. Алайда, нақты мәнде бұл көрсеткіш 3%-ға қысқарды.
Сектор қызметкерлері ең көп жалақыны Астана қаласында (515,6 мың теңге, жылдық өсім 3,2%), Алматыда (344,1 мың теңге, +10,7%) және Қызылорда облысында (333,8 мың теңге, +4,1%) алған.
Ең төменгі жалақы көрсеткіштері бойынша антилидерлер қатарына Жетісу облысы (252,8 мың теңге), Шымкент қаласы (265,9 мың теңге) және Абай облысы (272,5 мың теңге) енген.
Аналитиктердің айтуынша, 2019-2022 жылдар аралығында аталған сектордағы жалақы жылдам қарқынмен өсіп, кейде екі таңбалы көрсеткішке жеткен. Алайда, өткен жылдан бастап бұл өсім баяулаған.