Қазақстан жаңа рекорд орнатып, Гиннестің рекордтар кітабына енді. Маңғыстау облысында Наурыз мерекесін тойлауға 5000 қазақстандық ұлттық киім киіп, әлемдік рекорд орнатты. Бұл тарихи сәт Қазақстанның мәдениеті мен бірлігін әлемге танытқан маңызды оқиға болып табылады, деп хабарлайды aqshamnews.kz
Осы тарихи сәтті халықаралық деңгейде қолдау мақсатында Нью-Йорк қаласында да ерекше шара ұйымдастырылды. International Beauty Fashion Association президенті Анеля Алимова, вице-президенті Арайлым Қалдарбек және Айша Сурамаева Times Square алаңында арнайы іс-шара өткізді. Бұл шараға 50-ден астам қандасымыз ұлттық киім киіп қатысты.
Бұл ерекше оқиға Нью-Йорктегі көптеген адамдардың назарын аударып, Қазақстанның мәдениеті мен бірлігін әлемге паш етті. Іс-шараныңр Арайлым Қалдарбек жүргізіп, шараның маңызды сәттерін көрсетіп, қазақ халқының бірлігін, Наурыз мейрамының мәнін әлемге танытты.
Осылайша Қазақстанның мәдениеті мен ұлттық құндылықтарын әлемдік деңгейде дәріптеу жолында тағы бір маңызды қадам жасалды.