Қазақстан БҰҰ Жарғысына қатаң сәйкестікте және көпжақты ынтымақтастыққа деген ықыласын айқын көрсетіп отыр. Бұл жөнінде 2024 жылғы қыркүйек айындағы халыққа Жолдауында Президент Қасым-Жомарт Тоқаев мәлімдеді. Мемлекет басшысы еліміздің халықаралық қауіпсіздік пен тұрақтылық мәселелерінде белсенді рөл атқарып отырғанын атап өтті, деп хабарлайды aqshamnews.kz
2024 жылы Қазақстан бірқатар беделді халықаралық ұйымдар мен платформаларға төрағалық етіп, өңірлік және жаһандық мәселелерді шешуге айтарлықтай ықпал етті. Шанхай ынтымақтастық ұйымы, Түркі мемлекеттері ұйымы, Азиядағы өзара іс-қимыл және сенім саралары жөніндегі кеңес сияқты ұйымдарда Қазақстанның төрағалық етуі еліміздің халықаралық ықпалын нығайтуда маңызды қадам болды.
ШЫҰ-ға төрағалық ету барысында 160-тан астам іс-шара ұйымдастырылып, 60 жаңа құжатқа қол қойылды. Сондай-ақ, Қазақстан Еуразия экономикасының, саудасының және көліктік логистикасының даму стратегиясына бастамашы болды. Төрағалықтың негізгі шарасы ретінде Астана саммиті өтті, бұл өңірлік және халықаралық деңгейде ынтымақтастықтың жаңа мүмкіндіктерін ашты.
Қазақстанның осындай жетістіктері еліміздің халықаралық саясаттағы маңызды рөлін тағы да айқындап отыр.