Таулы аудандарында тұман күтіледі.
6 қаңтарда Қазақстанның барлық аумағында дауылды ескерту жарияланды, деп хабарлады Almaty-akshamy.kz «Қазгидромет» РМК баспасөз қызметіне cілтеме жасап.
«2023 жылдың 06-08 қаңтар аралығында аралас жауын-шашынның болжанады. Соған байланысты Түркістан, Жамбыл облыстарының таулы аудандарында баурайлық ағынның қалыптасуы және өзендерде су деңгейінің көтерілуі күтіледі», – делінген хабарда.
Астанда тұман, көктайғақ күтіледі.
6 қаңтарда Абай облысында жауын-шашын, облыстың солтүстігінде, орталығында қар жауады. Бұрқасын борап, көктайғақ болады. Жел оңтүстік-батыстан соғады, екпіні 15-20 м/с. Семей қаласында 6 қаңтарда негізіне қар жауып, бұрқасын соғып, көктайғақ болады. Оңтүстік-батыстан соғатын желдің екпіні - 15-20 м/с.
Шығыс Қазақстан облысында жауын-шашын, облыстың солтүстігінде, шығысында қар жауады деп болжануда. Бұрқасын борап, көктайғақ болады. Жел оңтүстіктен, оңтүстік-батыстан соғады, екпіні 15-20 м/с. Өскеменде 6 қаңтарда қар жауып, бұрқасын борайды, көктайғақ күтіледі. Оңтүстік-батыстан соғатын желдің екпіні - 15-20 м/с.
Атырау облысында оңтүстік-батыстан соғатын желдің екпіні өңірдің солтүстік-батысында, солтүстігінде 15-20 м/с дейін жетеді.
Қарағанды облысының солтүстігінде, шығысында жаяу бұрқасын болып, көктайғақ күтіледі. Оңтүстік-батыстан, батыстан соғатын желдің екпіні облыстың солтүстігінде, шығысында 15-20 м/с болады. Қарағанды қаласында 6 қаңтарда жаяу бұрқасын жүріп, көктайғақ болады.
Батыс Қазақстан облысының солтүстігінде, шығысында көктайғақ күтіледі. Облыстың солтүстігінде, батысында тұман. Жел оңтүстік-батыстан, оңтүстікте, күндіз облыстың оңтүстігінде, шығысында екпіні 15-20 м/с. Орал қаласында 6 қаңтарда түнде және таңертең тұман түсіп, көктайғақ болады.
Ақтөбе облысының оңтүстігінде, шығысында тұман күтіледі. Күндіз облыстың батысында, солтүстігінде жаяу бұрқасын, көктайғақ күтіледі. Батыстан, оңтүстік-батыстан жел соғады, күндіз облыстың батысында, солтүстігінде 15-20 м/с. Ақтөбе қаласында 6 қаңтарда күндіз көктайғақ күтіледі. Батыстан, оңтүстік-батыстан соққан желдің екпіні 16 м/с болады.
6 қаңтарда түнде Маңғыстау облысының шығысында тұман күтіледі. Солтүстік-батыстан соғатын жел оңтүстік-шығысқа ауысады, күндіз облыстың батысында, оңтүстігінде 15-20 м/с күтіледі. Ақтау қаласында 6 қаңтарда солтүстік-батыстан соғатын жел оңтүстік-шығысқа ауысады, күндіз екпіні 15-20 м/с күтіледі.
6 қаңтарда түнде Қызылорда облысының солтүстігінде тұман түсіп, көктайғақ болады.
Павлодар облысында бұрқасын күтіледі. Облыстың оңтүстігінде көктайғақ, облыстың солтүстігінде тұман. Оңтүстік-батыстан жел соғады, күші облыстың оңтүстігінде 15-20, екпіні 23 м/с күтіледі. Павлодар қаласында 6 қаңтарда көктайғақ, түнде және таңертең бұрқасын күтіледі.
Ақмола облысының басым бөлігінде көктайғақ, тұман, жаяу бұрқасын күтіледі.
6 қантарда түнде Солтүстік Қазақстан облысының басым бөлігінде қар күтіледі. Облыстың оңтүстік-батысында жаяу бұрқасын, шығысында тұман болады.
6 қаңтарда күндіз солтүстікте, орталықта, таулы аудандарында Жетісу облысының көктайғақ күтіледі. Облыстың солтүстік-шығысында оңтүстік-батыстан жел соғады, екпіні 17-22 м/с.
Таңертең және күндіз 6 қаңтарда Жамбыл облысының солтүстігінде, оңтүстігінде, таулы аудандарында көктайғақ болады. Облыстың солтүстігінде, оңтүстігінде, таулы аудандарында тұман түседі. Оңтүстік-батыстан соққан желдің екпіні облыстың оңтүстік-батысында, солтүстік-шығысында, таулы аудандарында 15-20, кей жерлерде 23-28 м/с жетеді. Тараз қаласында 6 қаңтарда кей уақытта тұман түседі. Оңтүстік-батыстан екпіні 15-20, кей уақытта 23-28 м/с жел соғады.
6 қаңтарда таңертең және күндіз Түркістан облысының тауларында қатты жауын-шашын (жаңбыр, қар) жауады. Таңертең және күндіз облыстың батысында, оңтүстігінде, таулы және тау бөктерлі аудандарында тұман түседі. Оңтүстік-батыстан соққан желдің екпіні таулы аудандарда 15-20 м/с болады.