Қазақстан Республикасының Президенті Қасым-Жомарт Тоқаевтың атынан мемлекеттік марапатты Сыртқы істер министрі Ермек Көшербаев табыстады. Сыртқы саяси ведомствоның басшысы құттықтау сөзінде Қазақстан мен Әзербайжанның арасындағы стратегиялық әріптестік пен тығыз ынтымақтастыққа назар аударды.
Өз кезегінде Елші Әлім Байел Әзербайжандағы Елшіліктің Қазақстанның сыртқы саясатын тиімді іске асыруға және қазақ-әзербайжан одақтастық қатынастарын нығайтуға бағытталған міндеттерді орындау бойынша жұмысты жалғастыратынын мәлімдеді.
Сонымен қатар, қайырымдылық қызметі үшін «Құрмет» орденімен әзербайжандық кәсіпкер Амиль Юсифов марапатталды.
Ол AZAL әуе компаниясы ұшағының Ақтау маңында болған апатында қаза тапқан Қазақстан азаматтарының туыстарына пәтерлер, сондай-ақ Ақтау қаласының құтқарушыларына, ауруханасына және жедел жәрдем станциясына автокөліктер сыйлаған болатын.