Ядролық қауіпсіздік бойынша оқу орталығының басшысы Наталья Измайлова Қазақстанның ғылыми-техникалық әлеуетіне сенімді екенін айтты, деп хабарлайды
Оның айтуынша, АЭС үшін мамандарды нөлден бастап дайындаудың қажеті жоқ — мұнда онжылдықтар бойы жоғары деңгейдегі кәсіби мамандардың қатары қалыптасты.
Сарапшының пікірінше, АЭС елдің тұрақты және қауіпсіз энергия жүйесін қамтамасыз етіп, экологиялық қауіпсіздікті күшейтеді.
"Ядролық энергетика үшін кадрлар мәселесі өте маңызды, өйткені бұл мамандар реакторлардың қауіпсіз жұмысына, яғни біздің қауіпсіздігімізге де тікелей байланысты болады. Қазіргі уақытта бізде осындай мамандарды дайындау жүріп жатыр. Қазақстанның атом саласында қазірдің өзінде 18 мыңнан астам адам жұмыс істейді. Олардың барлығы — үлкен жұмыс тәжірибесі бар, жоғары білікті мамандар", — деп атап өтті сарапшы.