Қазақстан коммерциялық атом энергетикасында жаңа ойыншы болуы мүмкін, алайда бұл сала ел үшін мүлдем тың емес.
Атом энергиясы жөніндегі халықаралық агенттіктің жобалық менеджері Чираю Батраның айтуынша, Қазақстан уранға бай мемлекет ретінде ұлттық ядролық бағдарламаны дамытуға толықтай қабілетті.
Оның пікірінше, елімізде ядролық ғылым мен зерттеу саласында мол тәжірибе жинақталған, сондықтан адами ресурстарды дамыту қиынға соқпайды.
«Қазақстанның атом энергетикасы саласында тәжірибесі мол болғандықтан, нормативтік базаны әзірлеу де оңай жүзеге асады», – дейді сарапшы. Сонымен қатар, халықаралық агенттіктің нұсқаулары мен талаптары да Қазақстан үшін қолжетімді әрі жеңіл орындалады. Дегенмен, Батраның айтуынша, ұлттық ядролық бағдарламаны табысты жүзеге асыру үшін қоғамдық және саяси қолдау қажет.
Қазақстанның бай уран қоры стратегиялық артықшылық болып саналады. Сарапшының пікірінше, бұл ресурсты дұрыс пайдалану арқылы елдегі энергия қорын арттыруға мүмкіндік мол. Бірақ атом қуатының артықшылықтары мен тәуекелдерін халыққа ашық түрде түсіндіру маңызды.