Қазақстан 2024 жылы Азиядағы өзара іс-қимыл және сенім саралары жөніндегі кеңес (АӨСШК) мен Түркі мемлекеттері ұйымында төрағалық етіп, маңызды институционалдық және экономикалық жетістіктерге қол жеткізді, деп хабарлайды aqshamnews.kz
АӨСШК төрағалығының негізгі жетістігі – институционалдық дамудың жаңа кезеңіне көшу. Трансформацияның жол картасы аясында Жарғы мен Рәсімдер ережелері әзірленіп, Сенім шараларының каталогы жаңартылды. Сонымен қатар, Даналар кеңесі, Талдау орталықтарының форумы және АӨСШК қоры құрылды. Қазақстанның бастамасымен қатысушы елдердің өзара іс-қимылын цифрландыру бағытында деректер мен талдамалық материалдармен алмасу платформасы іске қосылды, бұл көпжақты ынтымақтастықтың тиімділігін арттырды.
Түркі мемлекеттері ұйымына төрағалық ету барысында «TURKTIME!» бағдарламасы іске қосылып, мәдени және экономикалық интеграцияны нығайтуға елеулі ықпал етті. Президенттің бастамасы аясында білім беру, ғылыми зерттеулер және кәсіпкерлік саласындағы жобалар жүзеге асырылды. Сондай-ақ, қатысушы елдер арасындағы экономикалық ынтымақтастық 45 млрд АҚШ долларынан асып, айтарлықтай өсу көрсетіп отыр. Мемлекеттік рәміздерді біріздендіру және стратегиялық жобаларды қолдауға арналған Инвестициялық қордың құрылуы да маңызды қадам болды.
Қазақстанның осы жетістіктері халықаралық аренада еліміздің рөлін әрі қарай нығайтуға, сондай-ақ өңірлік және жаһандық деңгейде ынтымақтастықты дамытуға бағытталған маңызды қадамдар болды.