Жамбыл облысының соты Қытай Халық Республикасының азаматтарына қатысты үкім шығарды.
Олар Қазақстанда заңсыз жұмыс істеген құрылыс алаңында ұсталған болатын, деп хабарлайды aqshamnews.kz.
Қытай азаматтары, рұқсат құжаттарынсыз Сарысу ауданындағы бір құрылыс нысанында еңбек етіп жүргендері үшін 2024 жылдың қыркүйек айында ұсталған болатын. Әкімшілік іс қарау кезінде айыпталушылар өздеріне тағылған айыппен келіспей, кейбірінің елімізге турист ретінде келгенін, ал басқалары жұмыс іздеп келгенін мәлімдеді.
Алайда, іс бойынша жинақталған материалдар арқылы заңсыз еңбек қызметі фактісі дәлелденді. Сот шешімімен 26 қытайлық азамат кінәлі деп танылып, Қазақстан Республикасынан шығарылды.
Сот қаулылары заңды күшіне енді.